Frontend веб-сайттарды
Профессор А.Молдокулов атындагы Улуттук инновациялык технологиялар мектеп-лицейинин информатика кафедрасынын бардык мугалимдери И.Раззаков атындагы Кыргыз мамлекеттик техникалык университетинин информатика мугалимдери менен тыгыз байланышта болуп иш алып барышууда. 2024-жылдын 25-мартынан 12-апрелине чейин “Python программалоо тилинин негиздери” программасы боюнча онлайн форматта 72 сааттык квалификациясын жогорулатуу курсунан өтүшүп, сертификаттарга ээ болушту. Азыркы күндө дагы “Frontend” веб-сайттарды, веб-тиркемелерди жана кызматтарды иштетүү (продукциянын архитектурасын жана алгоритмдерин иштеп чыгуу, тең салмактуу чечимдерди издөө жана аларды натыйжалуу ишке ашыруу) боюнча квалификациясын жогорулатуу курсуна онлайн форматта катышышып, университеттин информатика мугалимдери менен биргеликте кызматташууда.
