Өзүн-өзү башкаруу окуучулар уюмунун ант берүү аземи

Мектеп-лицейде  “Келечек”  өзүн-өзү башкаруу окуучулар уюмунун “Сейтек” кошуунунун президенттеринин  ант берүү аземи болуп өттү. Аземдин ачылышында “Манастап” ураан чакырылып, анын кырк чоролорунун коштоосундагы  сахналаштырылган образ көрсөтүлүп, “Манас” эпосунан үзүндү айтылды. Уюмдун президенттери  салтанаттуу түрдө ант беришип, анын мүчөлөрүнө мандаттар тапшырылды. Мектеп парламентинде жоопкерчиликтүү кызматтарды аткарууга киришкен окуучуларды куттукташып музыкалык чыгармалар жаңырып, кыз-жигиттердин флешмобу менен жыйынтыкталды.

Уюмдун аткаруу кызматтарына талапкер окуучулар алдын ала уюштурулган шайлоого өз программалары  менен катышышып, мыкты деп табылган окуучулар мектеп-лицейдин парламентиндеги маанилүү кызматтарга шайланышат.