Орус тили жана адабиятынын декадасы
Ноябрь айынын экинчи жарымында мектеп-лицейде орус тили жана адабиятынын декадасы жарыяланып, предмет боюнча салттуу эмес сабактар, класстан тышкаркы иш-чаралар, ар кандай сынактар жана ачык сабактар уюштурулуп, музейге саякаттоо каралды. Декада окуучулардын предметке болгон кызыгууларын ойготуп интеллектуалдык жана уюштуруучулук жөндөмдүүлүктөрүн арттыруу менен чыгармачылык таланттарын көрсөтүүгө чоң өбөлгө түздү. “Я люблю тебя, Родина” аталышындагы декаданын жабылыш аземинде Мекенге болгон окуучулардын берилгендигин, сүйүүсүн даңктаган ыр саптар айтылып, патриоттук ырлар ырдалды. Он күндүк иш чарага активдүү катышкан класстарга жана окуучуларга “Мактоо барактары” тапшырылып, музейде саякаттоо аркылуу ата-бабаларыбыздын тарыхый мурастары менен жакындан тааныштыруу иши аткарылды.
Декада ар бир окуучуга өзүн көрсөтүүгө, сүрөтчү, окурман, алып баруучулук, лидерлик сапатты өнүктүрүүгө мүмкүнчүлүк берет. Жеке жана жамааттык ишмердүүлүктө мотивация активдешип, өз алдынчалык өнүгөт, инсандар аралык байланыш түзүлөт.
