“Манас” эпосунун күнү

Бүгүнкү окуу күнү ЮНЕСКОнун “Адамзаттын материалдык эмес маданий мурастарынын” тизмесине  кирген "Манас" эпосунун күнүн белгилөө менен башталды. “Манастап” ураан чакырылып, кырк чоронун коштоосунда эпостон үзүндү айтылып, мектеп администрациясынын жана мугалимдердин каалоо тилектери менен коштолду.

                              Кайың барбы кыргыз балта чаппаган,
                              Кыр-жон барбы кыргыз кыргын таппаган.
                              Кылымдарга аты калбай өчөөрдө,
                              Кыргыз элин кыраан Манас сактаган.

                              Белес-белден беш удургуп өткөн эл,
                              Арстан болуп ай чапчыган көчмөн эл.
                              Курандылап, куруп бара жатканда
                              Эр Манасты туу карманып өскөн эл!

"Манас" эпосу - дүйнөлүк фольклор тарыхындагы эң чоң эпос.  Тарыхый чындык менен мифтерди айкалыштырган  легендарлуу чыгарма.  Бул күн Кыргыз Республикасынын 2015-жылдын 27-апрелиндеги №259 токтомдун негизинде кабыл алынган.