Атам, апам жана мен!

Үй-бүлөлүк  ынтымакты, ишенимдүүлүктү жана ден-соолукту чыңдоо максатында 6-класстар арасында  “Атам, апам жана мен” үй-бүлөлүк спорттук мелдеши 2025-жылдын 30-январында өткөрүлдү. Мелдеш командалардын спорттук формасы, эмблема жактоо өзгөчөлүгү жана кыймылдуу оюндарды өз эрежеси менен аткаруу тартиби боюнча бааланды.  Оюнга чын дили менен катышкан үй-бүлөлүк командалар чыныгы үй- бүлөлүк сүйүүнү, гармонияны, бири-бирине болгон ишенимди, колдоону көрсөтүп бере алышты. Ар бир оюнчу өз командасы үчүн жан үрөшүп, кызыктуу оюн тартуулашты. Жыйынтыгында 1-орунду 6-ж классы, 2-орунду 6-а классы, 3-орунду 6-е классы багындырып,  активдүү катышкан ата-энелерге, окуучуларга  мектеп жетекчилиги тарабынан ыраазычылык билдирилди.

Ата-энелерди балдары менен бирге спорттук оюндарга тартуу  үй-бүлөнүн ортосундагы байланыштарды чыңдоого, физикалык жана психологиялык  туура өнүгүүгө жана мектеп менен кызматташууга көпүрө болуп берет.