Жасалма интеллект

Автоматташтырылган техника доорундагы  Жасалма интеллектин жана анын шаймандарынын билим берүү тармагында, тагыраагы  мектеп турмушунда  кандай формада колдонууга боло тургандыгы жанан  анын оң, терс  жактары туурасында  мугалимдер үчүн информатик педагог Саданалиева Махабат Сатыбалдиевна семинар өттү.  Жасалма интеллектин алгачкы инструменттеринин бири бологон ChatGPTни колдонууда мугалимдердин ишин канчалык деңгээлде жеңилдете  алаары жана андагы маалыматтардын тактыгы туурасында педагогикалык талдоо жүргүзүлүп, визуалдаштыруу куралдары менен айкалыштыруу иши каралды. ЖИ чөйрөсүндөгү технологиялык куралдарды натыйжалуу пайдалануу аркылуу окутуп-тарбиялоо процессиндеги кыйынчылыктарды жеңилдетүү, көрсөтмөлүүлүгүн арттыруу, убакытты үнөмдөө сыяктуу бир катар пайдалуу жактары тизмектелип, маалыматтын тактыгына жана далилдүүлүгүнө басым жасоо керектиги айтылды. Мугалимдер ЖИнин жардамында сабактын планын түзүү, тесттик иштер, жат жазуу, презентация даярдоо сыяктуу практикалык иштерди аткарышты.