Улуулардан насаат
Кыргыз Республикасынын Президентинин "Улуттук нарк жөнүндө” Жарлыгынын алкагында “Нарктуу апалар” коомунун төрайымы Султанбаева Батма Туруевна тарабынан 11-в, 11-б, 11-г, 11-ж класстарынын окуучуларына “Тарбиянын жакшысы, тагдырдын ачкычы” темасы боюнча тарбиялык сабактар өтүлүүдө. Бүтүрүүчү класстарга улуттук баалуулуктарды кадырлоо жана аларды коомго даярдоодо үй-бүлөлүк баалуулуктун орду, кийинки муунга өткөрүп берүү парзы туурасында ачык маектер уюштурулуп, Батма Туруевнанын насааты, туура жолду тандоого карата багыт берүүчү кеңештери айтылууда. Улуу муундун өкүлдөрүнүн адеп-ахлактык баалуулуктар, адамдык сапаттар, боорукердик, эмгекчилдик, чыдамдуулук жана адилеттүүлүк туурасындагы акыл-насааттары, ак батасы келечек муундун улут болуп сакталып калуусундагы орду чоң экендигин баса белгилөө менен Батма Туруевнага жалпы мектеп жамаатынын атынан терең ыраазчылык билдиребиз.
Сиздердей акылман, насаатчы инсандарыбыз бар биз бактылуубуз.