Педагогикалык мастер-класс

Сабактын негизги өзөгүн көркөм жана интерактивдүү формада  берүүдө көрсөтмөлүүлүгүн арттыруучу  куралдардын бири катары  электрондук презентациялар колдонулуп келет. Окутуу формасын  заман талабына жараша шайкеш келтирүү,  окуу процесси боюнча маалыматтарды жана түшүнүктөрдү визуалдык  формада чагылдырууда  “Gamma ai”, “Еmaze” платформаларын колдонууну  тереңдетүү  максатында мугалимдер үчүн мастер-класс уюштурулду. Билимди кызыктуу берүүдө жана эмоционалдык жактан таасирдүүлүгүн арттыруучу интерактивдүү оюндарды сабактын структурасына кошууда “Interacty” платформасын колдонуу да каралды. Мугалимдер презентация даярдоо аны көчүрүп алуу, сактоо, бөлүшүү тууралуу бир нече практикалык иштерди аткарышып, оюндун үлгүлөрүн иштеп чыгышты.

Мастер-классты информатика мугалимдери Мыктыбек кызы Айгерим жана Исамудунова Алия өткөрүштү.