Тоо койнундагы турисстик жүрүш

Кыргыз Республикасынын Билим берүү жана илим министрлигинин алдындагы Республикалык  экология,  аймак таануу жана туризм борбору менен биргеликте  мектеп-лицейибиздин  “Жаш экологдор-туристтер” ийриминин окуучулары 2025-жылдын  8-февралында  Көк-Мойнок капчыгайына  экскурсияга чыгышты.  Кыргызстандын рельефинин ар түрдүүлүгү темасынын алкагында  туристтик жүрүшкө катышышып, климаттын өзгөрүлмөлүүлүгүнө байкоо жүргүзүү менен өрөөндөрдөгү  жылуу жана салкын климат өкүм сүрсө, бийик тоолордо ар дайым муздак аба ырайы сакталаарына күбө болушту. Тоо койнунда сейилдешип, кыш мезгилидеги жаратылыштын кооздугу  менен жакындан таанышууга өзгөчө учур болду. “Жаш экологдор-туристтер” ийримин география мугалими Токтоналиева Айша Соотбековна жетектеп келет.

Көк-Мойнок капчыгайы – Кыргызстандагы туристтер үчүн эң  сонун, кооз жерлердин бири. Ал Чүй облусунун аймагында, Кемин районунда жайгашкан жана бийик тоолор, токойлор, тунук суулар менен курчалган.