Эрдигиңер эч качан унутулбайт!

15-февраль – Ооган күнүнө карата  согуштун  ардагерлеринин эрдигин таануу  жана аларга сый-урмат көрсөтүү максатында  мектеп-лицейибиздин 8-д классына тарбиялык сабак уюштурулду. Конок катары Республикалык ардагерлер кеңешинин төрагасынын кеңешчиси Щербовских Ольга Федоровна, ооган ардагерлери Кичикенов Нурбек Торекулович, Дунганаев Тыныстан Султанканович агайлар катышышып, согуш талаасындагы кандуу салгылашуулар туурасында окуучулардын суроолоруна жооп беришип, кызыктуу маек курушту. Мекен үчүн эрдик жасоо согушта жеңүү  эле эмес  анын алдын алуу жана  тынчтыкты сактоо да маанилүү экендигин баса белгилешип, окуучуларды билимдүү, патриот болууга чакырышты.

Ардагерлердин ак батасына, ыраазычылыктарына арзыган жогорку деңгээлдеги тарбиялык сабак үчүн Камчыбекова Гүлшайыр Сагынбековнага терең ыраазычылык билдирүү менен чыгармачылык ийгиликтерди каалайбыз.