Өспүрүмдөрдүн медиа сабаттуулугу

Өспүрүмдөр учурда социалдык тармактардагы жаңылыктарды, контенттерди, видеохостингдерди көрүүгө, онлайн оюндарды ойноого көбүрөөк убактыларын сарпташат. Алардын виртуалдык дүйнөдөгү медиа сабаттуулугун жоюу жана реалдуу дүйнөдөгү чыныгы жашоого көбүрөөк басым жасоо менен социалдык тармактардагы кокустуктарды алдын алуу максатында мектептин социалдык педагогу Беккелдиева Бактыгүл Беккелдиевнанын жетектөөсү астында 7-класстар арасында “Социалдык тармактар” деген темада тегерек стол өтөрүлдү. Мектеп курагындагы жеткинчектер кайсыл медиа платформаны көбүрөөк колдонушат жана кандай жанрдагы контенттер көбүрөөк көрүүчүлөрдү топтойт, күнүмдүк жашоодо канча убакытты сарптайт деген маанидеги суроолордун тегерегинде талкуу жүрдү. Педагогикалык практикасын өтөөгө келген студенттердин көз карашында окуучулардын жооптору анализденип, медиа сабаттулук жана виртуалдуу чөйрөдөгү этика туурасында кеңири маалыматтар берилди. Бири-бирине урмат көрсөтүү иретинде  чакан белектерди тартуулашып, чыныгы жашоодогу жылуу мамилени чагылдырышты.