Мектептер-2030 проектиси
Бүгүн Ага Хан Фонду тарабынан «Мектептер-2030» проектисинин алкагында "Инсанга багытталган сынчыл ой жүгүртүү" методикасын окутуу жана ишке ашыруу максатында долбоордук ишке тартылган мектептерге математика, биология, химия, физика сабактарында колдонулуучу STEM окуу куралдары жана англис тили мугалимдерине Cambridge жана Oxford басылмаларынын заманбап китептери берилди. STEM окуу куралдары лабораториялык-эксперименттик иштерди аткарууга жана мугалимдер менен окуучулардын мектеп ичиндеги аныкталган көйгөйгө негиздеп изилдөө иштерин уюштурууга зарыл болгон жабдыктардын катарын толуктайт. Аталган куралдарды Ага Хан Фондунун Чүй-Бишкек аймагы боюнча консультанты Абасова Дамира, координатору Токторбаева Асылгүл айымдар тапшырышты.
Мектептер-2030 проектисинин максаты – балдардын билимин, көндүмдөрүн, дүйнө таанымын жана баалуулуктарын калыптандыруу үчүн билим берүүдөгү алдыңкы тажрыйбаларды изилдөө жана жайылтуу.
