Ачык эшик күнү
Ата-энелер үчүн ачык эшик күндөрүн уюштуруу мектеп-лицейде ар бир чейректин каникул күндөрүнүн бирине пландалып, педагогдор менен жакындан баарлашуу үчүн шарттар ар түрдүү форматта түзүлүүдө. Бүгүнкү ачык эшик күнүндө ар бир предмет ар башка окуу бөлмөлөрүндө ата-энелерди жылуу маанайда тосуп алуу менен бирге балдарынын билим алуусуна кызыктар ата-энелерди саат 900-1400 чейинки убакыт аралыгында үзгүлтүксүз кабыл алышты.
Мугалимдер кызыктар ата-энелерге балдарынын жетишкендиктерин жана ийгиликтерин баяндап, алардын күчтүү жана өнүктүрүүгө муктаж жактарын белгилөө менен окуу процессине активдүү катышууга чакырышты.
Бул күндүн негизги максаты – ата-энелер менен мугалимдердин ортосундагы байланышты бекемдөө, окуучулардын жетишкендиктерин жана көндүмдөрүн көрсөтүү, ошондой эле окуу шарттары тууралуу маалымат берүү болуп саналат.
