Педагогикалык сабак

Үчүнчү чейректин окуучулар үчүн каралган каникулу учурунда педагогдордун өз ара адистик тажрыйбаларын жайылтуу максатында УИТМЛде 2025-жылдын 17-мартында  педагогикалык сабак алмашуу уюштурулду. Күнүмдүк сабактын планын 5Е моделинде иштеп чыгуу туурасында химия мугалими Мусаева Эльизат Карыпбековна  сабактын беш этабын беш башка стратегиялар менен жазууну практика жүзүндө чагылдырып, шыктандыруу, кеңейтүү, түшүндүрүү, жыйынтыктоо, баалоо этаптарын эң жогорку деңгээлде ачып берди.  

Ушул эле күнү Алышерова Бактыгүл Эгембердиевна  “Окурмандык реакция” стратегиясын колдонууну практика жүзүндө чагылдырды. Мугалимдер берилген текст боюнча алгачкы реакцияларын, жаралган суроолорун, текстти жактырып жана жактырбагандыктарын, текстти жеке жашоодогу тажрыйбалар башка чыгармалар менен салыштырып көрүүгө боло тургандыктарын анализдешип, жыйынтык чыгаруу менен стратегияны ишке ашыруу жолун талкуулашты.

Бул ыкма окуучулардын окуу процессине активдүү катышуусун камсыздап, текстти анализдөө жана жеке ой жүгүртүү жөндөмүн өнүктүрүүгө түрткү берет.