Сүмөлөк бышыруу каадасы

Нооруз майрамын утурлай кыргыз элинин салттуу тамагы болуп эсептелинген Сүмөлөк бышыруу каадасы мектеп-лицейде салттуу түрдө уюштурулуп келет. Педагогикалык жамаат этникалык тамакты даярдоо процессине активдүү катышуу менен Сүмөлөктү даярдоо ыкмасын кылдаттык менен сактап, даамдуу жана берекелүү болушу үчүн өз салымдарын кошушту. 

Мектеп администрациясынын демилгеси менен уюштурулган Сүмөлөк бышыруу салтанатында аруу тилектер айтылып, жер жүзүнө жан кирип жаңы жашоо башталгандыгын даңазалоо менен, жараткандан тынчтык, аманчылык, бакубатчылык сурап, бата тиленди.

Сүмөлөк – Нооруз майрамынын башкы тамактарынын бири болуп саналат. Анын жасалышы улуттук баалуулуктарды, салттуу билимди жана жамааттык ынтымакты чыңдоочу маанилүү процесс. Педагогикалык жамааттын бул ишке активдүү аралашуусу билим берүү, тарбия жана маданий мурастарды сактоо жаатында чоң роль ойнойт.