Кайрымдуу жүрөк

Бишкек шаарындагы “Менин үй бүлөм” карылар үйүндө УИТМЛдин 4-з классы куратору Жаныбек кызы Эркайым менен биргеликте кайрымдуулук ишин жүргүзүштү. Окуучулар өз көңүлдөрүнөн чыккан күнүмдүк жашоо турмушка керектелүүчү белектерин карыларга тартуулашып, алар менен маектешип, көңүлдөрүн көтөрүү аракетин көрүштү.

Улгайган адамдардын мээримдерин, каалоо-тилектерин угушуп, алардын жашоо турмуштары менен жакындан таанышуу менен бирге камкордукка муктаж адамдарды колдоо зарылдыгы туурасында тарбиялык баалуулукка ээ болушту.

Карылар үйүнүн кызматкерлери учурда жашап жаткан 25 камкордукка муктаж инсандардын күнүмдүк жашоо режимдери, кыялдары, колдоо максатында уюштурулган кечелер, жолугушуулар жөнүндө айтып беришип, тамактануучу, уктоочу, жуунуучу бөлмөлөрү менен тааныштырышты.

Бул иш-чаранын максаты – улуу муундагы адамдарга жылуулук тартуулоо, аларга көңүл бөлүү жана жардам көрсөтүү болуп саналат. Кары инсандарыбыз биздин тарыхыбыздын, маданиятыбыздын жана каада-салтыбыздын тиреги.

Карыларга урмат көрсөтүп, аларга кам көрүү – ар бирибиздин милдетибиз!