Эбру-сууда сүрөт тартуу техникасы

Ага Хан Фонду тарабынан уюштурулган «Мектептер-2030» проектисинин алкагында 9-ж классы “Эбру-сууда сүрөт тартуу техникасы” долбоордук ишинин  “Үй шартында суу коюлтуу” темасына негиздеп чакан изилдөө ишин жүргүзүштү.  

Сууда сүрөт тартуу техникасы менен иштөөдө сууну коюлтуу эң алгачкы этабы болуп саналгандыктан, окуучулар кадимки картошка крахмалын жана кеңсе клейинин жардамында сууну коюлтушуп, жөнөкөй сүрөт тартуу тажрыйбасын жүргүзүштү.

Крахмал, суу жана клейдин аралашмасынын химиялык абалын изилдөө менен суу эмне үчүн коюлуп калгандыгына байкоо жүргүзүшүп, финансылык талдоо жүргүзүштү.

Үй шартында сууну коюлтуу тажрыйбасын жүргүзүүнү математика мугалими А.Дөлөшаева жана информатика мугалими М.Саданалиева жетектешти.