Бак-дарактарга камкордук

Педагогикалык жамаат мектеп-лицейдин айланасындагы жашылдандыруу ишин колдоо жана аларга кам көрүү максатында бак-дарактардын жазгы камкордугун колго алышып, айлана-чөйрөнү көрктөндүрүү иштерин активдүү жүргүзүштү. Бак-дарактардын түбүн жумшартып, сугарып, эски бутактарын кыркып, жер семирткичтер менен камсыз кылышты. Мектеп жамааты бул иштерге окуучуларды да тартып, эмгекке болгон сүйүү жана табиятка болгон камкор мамилени калыптандырууга өбөлгө түзүштү.

Мектептин айланасына жаңы гүлдөрдү отургузуп,  эстетикалык жагынан жагымдуу чөйрө түзүүгө өз салымдарын кошушту.