Улуу жазуучунун дүйнөсүнө саякат
Бүткүл дүйнөлүк китеп күнүн утурлай мектеп-лицейдин Китеп клубу залкар жазуучубуз Чынгыз Айтматовдун чыгармаларын тереңдетип окутуу боюнча окурмандар арасында конкурс жарыялап, чыгармадагы философиялык, моралдык жана гуманисттик идеаларды талдоого жана чыгармачыл чечмелөөгө багытталган иш-чара уюштурду.
Бул конкурс окуучулардын адабий талдоо жөндөмдөрүн өнүктүрүүгө, Айтматовдун чыгармаларындагы терең маанилерди түшүнүүгө жана аларды заманбап жашоо менен байланыштырууга өбөлгө түзөт.
Конкурста жеңүүчүлөрдү тандоо төмөндөгүдөй багыттар боюнча жүргүзүлдү:
- Адабий талдоо тереңдиги
- Философиялык жана моралдык идеяларды ачып берүү
- Гуманисттик көз караштын көркөм чечмелениши
- Чыгармачылык ыкма жана оригиналдуулук
- Заманбап жашоо менен байланыштыруу
Конкурстун жыйынтыгында Айтматовдун мурастарын терең түшүнгөн активдүү окурмандар Адилканова Жаркынай 5-г класс 1-орун, Телемишова Арууке 7-е класс 2-орун, Муканова Халима 5-г класс 3-орунга ээ болушту. Мындай иш-чара мектеп-лицейдеги адабий маданиятты өнүктүрүүгө, окуучуларды өз элинин улуу мурастарын изилдөөгө жана чыгармачыл ой жүгүртүүгө багыт берет.
